ფუჯისანი

იაპონიის მთავარი სავიზიტო ბარათი გახლავთ მთა ფუჯისანი. იგი ვულკანური წარმოშობის ყველზე დიდი მთაა , რომელიც უხსოვარი დროიდან არსებობს იაპონიაში. სეზონის ნებისმიერ დროს , ნებისმიერ ამინდში , ნებისმიერი ხედით ის შეუდარებლად ლამაზია. ფუჯისანი ყოველთვის იყო შთაგონების წყარო მხატვრებისთვის , პოეტებისთვის , მწერლებისთვის ფოტოხელოვანთათვის და საერთოდ იაპონელებისთვის. სიმეტრიულად ზუსტი აგებულების მთა მრავალი ხნის მანძილზე ითველება იაპონიის მთავარ სილამაზის სიმბოლოდ. იაპონელებს მიაჩნიათ , რომ მას მსოფლიოში არ ჰყავს შემცვლელი.

მთის ზუსტი სიმაღლე 3776 მეტრია და მთლიანად დაფარულია ვულკანური ლანდშაფტით. წლის ნებისმიერ დროს , ფუჯისანის წვერო დაფარულია თოვლით , სწორედ ეს აძლევს მას ასეთ სილამაზეს.

სახელი ფუჯისანი დაარქვა უძველესმა აბორიგენულმა ტომმა – იანებმა , რომლებიც დღესაც ცხოვრობენ კუნძულ ჰოკაიდოზე.  იანებმა დაარქვეს მთას თავიანთი მთავარი ღვთაების სახელი – ფუჯი. ამიტომ მთას რელიგიური დატვირთვაც ააქვს.

მთის მაღლობზე დგას უძველესი შინტოისტური ტაძარი რომელიც 2000 წლის ისტორია აქვს. ბუდისტური ლეგენდის თანახმად ფუჯისანი ერთ ღამეს დაიბადა 286 წელს როდესაც მიწიდან წყალმა ამოხეთქა და წარმოიშვა იაპონიის უდეიდესი ტბა – ბავა , ხოლო დარჩენილი მიწისგან წარმოიქმნა ფუჯისანი.

ფუჯისანი ყოველთვის იყო და არის ხელოვანი ადამიანების მუზა , ფოტოხელოვანთათვის სანატრელი პეიზაჟი , მისით მოხიბლული იყო იაპონიის თითქმის ყველა ფერმწერი მაგალითად ცნობილ იაპონელმა მხატვარმა – კაცუშიკა ჰოკუსაიმ 36 გრავიურა მიუძღვნა ფუჯისანს.

ტურისტებისთვის და ალპინისტებისთვის ფუჯისანი ერთ – ერთი  მთავარი სანახავი ობიექტია იაპონიაში ვიზიტის დროს.  იაპონელები თვლიან , რომ ისე არ შეიძლება წახვიდე ამ ქვეყნიდან ერთხელ რომ არ ახვიდე ფუჯისანზე.