ალბათ ყველას აინტერესებს თუ რა მდგომარეობაა 11 მარტის მიწისძვრის შემდეგ იაპონიაში, მოგეხსენებათ 8 ბალიანი მაგნიტუდის მიწისძვრის და შემდეგ ცუნამის 10 მეტრიანმა ტალღამ მთლიანად  დაანგრია და გადარეცხა ტოჰუკუს რეგიონი  . მიწისძვრამ უდიდესი ზარალი მიაყენა იაპონიას, მთლიანად პარალიზებული გახდა გზები, რკინიგზა,  კომუნიკაციის და წყლის გარეშე დარჩა მილიონობით ადამიანი. ოფიციალურად დაიღუპა 14,063 ადამიანი, 4 ათასამდე დაშავდა და ამდენივე უგზოუკვლოდ არის დაკარგული.

ენერგიის მრავალი გენერატორი გაითიშა, მათ შორის დადნა ორი ატომური სადგურის რეაქტორის აქტიური ზონა, რის გამოც მიახლოებული ტერიტორიებიდან მოსახლეობის ევაკუაცუა განხორციელდა და გამოცხადდა საგანგებო მდგომარეობა. მიწისძვრის შედეგად, 24 საათში, აფეთქდა ფუკუშიმის ატომური სადგური,  მიუხედავად გარე შენობის დანგრევისა, რეაქტორის დამცველი სარკოფაგი არ დაზიანებულა.  ფუკუშიმას I და ფუკუშიმას II სადგურების 20 და 10 კილომეტრის რადიუსზე მოსახლეობის ევაკუაცია მოხდა. ამ დროისთვის არ არსებობს ზარალის ზუსტი შეფასება ამერიკულმა საინფორმაციო სააგენტო ”CNN”-მა ზარალის შეფასება 100 მილიარდამდე გაზარდა.  დღესდღეობით ქვეყანა ნელნელა დგება ჩვეულებრივი ცხოვრების კალაპოტში , თუმცა  სეისმური ბიძგები იაპონიაში დღემდე ფიქსირდება. წარმოგიდგენთ ფოტოებს 9 თვის უკან ჩრდილო-აღმოსავლეთით  დატეხილ ზედიზედ ორ სტიქიის შემდეგ იაპონიის:

ისეთ  ქვეყანაში, როგორიცაა იაპონია რთულია შინაური ცხოველის ყოლა სახლის პირობებში , რადგან იაპონელების საცხოვრებელი სახლი ისეა მოწყობილი , რომ ცხოველის ყოლა წარმოუდგენელია. ზოგ კორპუსებში კრძალავენ კიდევაც შინაურცხოველებს , ამიტომ იაპონელებმა  იპოვეს გამოსავალი და შექმნეს ცხოველების კაფე კერძოდ კატების კაფე.

ცხოველების მოყვარულებს შეუძლიათ მთელი ის დრო კატების გარემოცვაში გაატაროს , თან მიირთვან ერთი ჭიქა არაჩვეულებრივი მწვანე ჩაი. პირველად ასეთი ობიექტი გაიხსნა 2004 წელს, ოსაკაში და მაშინვე მოიპოვა დიდი პოპულარობა. მოგეხსენებათ იაპონიაში კატების მოყვარულთა დიდი არმიაა , რადგან ოდითგანვე ეს ცხოველი მშვიდობასთან და კეთილდღეობასთან ასოცირდებოდა , კატების თემა დიდია აგრეთვე ეროვნულ პოპ კულტურაში , ანიმე ფილმებში. ამიტომ ეს ორიგინალური კაფე ქვეყნის მაშტაბით მთლიანად აითვისეს და ახლა ასეულობით კაფეს ითვლის მთელ ქვეყნის ტერიტორიაზე.

კაფის სივრცე გაყოფილია ორ ნაწილად.  კატების განყოფილება, სადაც ყველა სახის გასართობი საშუალებაა კატისთვის და კაფის განყოფილება სადაც სტუმარს შეუძლია მიირთვას სხვადასხვა სასმელი , კერძები , ეთამაშოს პატარა არსებებს  და აგრეთვე ისარგებლოს ინტერნეტ მომსახურეობით. კატებთან ურთერთობა საათობრივია და 5 დან 18 დოლარამდე ღირს.

როგორც წესი კატების კაფეში ცხოვრობს 15-20 კატა, რომელთაგან თითოეულს აქვს საკუთარი არქივი , დანაჩანგალი და მოვლის საშუალებები. მათ მუდმივად აკვირდება და მონიტორინგს უტარებს გამოცდილი ვეტექიმები ,  თანამშრომლები , ფსიქოლოგები. კატები იკვებებიან რეგულარულად სპეციალური საკვებით.

კაფეში ცხოველების მიყვანა ხდება ნებისმიერი გზით თუნდაც პატრონს ცხოველის ჩაბარება სურდეს , ან თუ კატა პატრონის და თავშესაფრის გარეშეა დარჩენილი. ეს არის შესანიშნავი გადაწყვეტილება ცხოველებისთვის მოხვდეს იქ სადაც მათზე რეალურად იზურნებენ და დიდი სიყვარულით მოუვლიან.

წარმოგიდგენთ იაპონურ მოკლემეტრაჟიან ანიმაციას “სახლი პატარა კუბიკებისგან / La Maison en Petits Cubes” რომელმაც 2009 წელს მოიპოვა  ოსკარი.
ანიმაციის ხატვის სტილი  მთლიანად განსხვავდება იაპონურ ეროვნულ ანიმაციისაგან. შინაარსი სევდიანი , ნოსტალგიური , დამაფიქრებელი.

მულტფილმის მთავარი გმირი მოხუცი კაცი ცხოვრობს წყლით დატბორილ ქალაქში , რადგან დროის გარკვეულ მანძილზე  წყლის დონე იწევს , მოხუცი იძულებულია სახლს ერთი სართული დააშენოს. ერთხელაც ჯიბუხი ჩაუვარდება დატბორილ სართულში , მოხუციც ჩაყვინთავს …

თითოეული წყლით დაფარული სართული მას ახსენებს წარსულს , ოჯახს და ბედნიერ მოგონებებს. მოკლედ ჯერ ვისაც არ გაქვთ ეს შედევრი  ნანახი აუცილებლად ნახეთ …

P.S თუმცა ფინალს სხვანაირად დავასრულებდი

უკვე 10 წელზე მეტია საქართველოში  არსებობს აღმოსავლეთმცოდნეობის ფაკულტეტი თსუ და აზია აფრიკის უნივერსიტეტი (ახლანდელი თავისუფალი უნივერსიტეტი) სადაც იაპონურ ენის , კულტურის და  ისტორიის დაუფლებაა შესაძლებელი. ენის შესწავლა პრობელმას არ წარმოადგენს , მთავარია თქვენი სურვილი და ფინანსები.  თუმცა ელემენტარულ იაპონურის შესასწავლად სულაც არაა საჭირო ფინანსები.  ამ პოსტში მე დეტალურად ავხსნი თუ როგორ შეისწავლოთ ელემენტარული სასაუბრო იაპონური ენა.  პირველ რიგში ზოგადი წარმოდგენა რომ შეგვექმნას ამ ქვეყნის ენასა და მის დამწერლობაზე მოკლე მიმოხილვა.

იაპონური სადამწერლობო სისტემა გამოიყენებს ჩინურ დამწერლობის ნიშნებს, რომელსაც იაპონიაში ჰქვია კანჯი იგივე იეროგლიფები. გარდა ამისა არსებობს სუფთა იაპონური ანბანური სისტემა  ჰირაგანა და კატაკანა. იაპონური ენის შემსწავლელს ამის გამო ფაქტიურად სამი ანბანის დაუფლება უწევს კანჯის, ჰირაგანასა და კატაკანასი. ნებისმიერი იაპონური ტექსტი შეიცავს დამწერლობების სამივე სახეობას, რადგან ყოველივე მათგანს თავისი სემანტიკურ–გრაფიკული ფუნქცია აქვს ტექსტში.  დეტალურად ავხსნათ თუ რა განსხვავებაა მათ შორის.

• კანჯი (იგივე იეროგლიფები) – იეროგლიფებით როგორც წესი იწერება სიტყვის ერთი უცვლელი ნაწილი. მაგალითად სიტყვა : სახლი  - 家 , ყვავილი - 花  , ქალი – 女 და ასე შემდეგ. რახან იეროგლიფების სისტემა ჩინელებისგან არის გადაღებული მათი ჟღერადობა იყოფა იაპონურ (კუნ) და ჩინურად (ონ) ორივე ფორმა მთლიანად ათვისებულია იაპონურ ენაში . იეროგლიფებით იწერება ზედსართავი  სახელები და ზმნები რომლებსაც სხვადასხვა გრამატიკულ ფორმაში ჰირაგანის ანბანის დაბოლოება აქვს.

• ჰირაგანა –  მარცვლოვანი დამწერლობა , იაპონური დამწერლობის შემადგენელი ერთ-ერთი მთავარი ნაწილი.  ჰირაგანათი იწერება ნამდვილი იაპონური სიტყვები, ფართოდ იხმარება სიტყვების გრამატიკული დაბოლოებების დასაწერად . მაგალითად სიტყვა : ჭამა  იწერება ჯერ კანჯით  食べる და შემდეგ ბოლოვდება ჰირაგანათი.

• კატაკანა – მარცვლოვანი დამწერლობა , რომელიც გამოიყენება არაიაპონური (იგივე ნასესხები ) სიტყვების დასაწერად , კატაკანა წერის მხრივ უფრო მარტივია, მაგრამ მისი გამოყენების სფეროც უფრო შეზღუდულია:   მაგალითად ყველი – チーズ  , ნამცხვარი  - ケーキ, ლუდი –  ビール. კატაკანით იწერება აგრეთვე არაიაპონური  სახელები.

თავდაპირველად აუცილებელია ჰირაგანა – კატაკანის ანბანის შესწავლა. რადან მის გარეშე ვერ შევძლებთ საწყის დონემდე იაპონური ენის შესწავლას. ჩემი მოსაზრებით ერთი ორი კვირის სისტემატიური მეცადინეობის შედეგად შესაძლებელი იქნება სრულად ავითვისოთ ეს სისტემა.  ამ ცხრილით მოცემულია ჰირაგანა და კატაკანის ანბანის სრული სია ქართული განმარტებით.

ჰირაგანა – ანბანი

კატაკანა – ანბანი

მოსახერხებელი პროგრამების დიდი არჩევანი ჰირაგანა – კატაკანის შესასწავლად და აუდიო კურსი
ენების შესწავლის ყველაზე პოპულარული საიტი რომელსაც მეც ვიყენებ livemocha.com საიტი მრავალფუნქციურია და შესაძლებელია როგორც დამწყები დონის ასევე საშუალო დონის არჩევა.
ზუსტად დამწყებებისთვის შესანიშნავი საიტი www.easyjapanese.org

Basic Kanji Book 1 & 2

იეროგლიფების შესასწავლად შეუცვლელი წიგნია Basic Kanji Book 1 & 2 თითოეულში 500 – 500 იეროგლიფია მოცემული , წიგნები ინგლისურ ენაზეა და არის დამწყებებისთვის საუკეთესო სახემძღვანელო. გადმოწერა PDF ფორმატით შეგიძლიათ Download.

იაპონია იმითაც გამორჩეული ქვეყანაა , რომ საფუძველი ჩაუყარა ანიმაციის ისეთ მიმართულებას , როგორიცაა ანიმე. სხვა ქვეყნის ანიმაციებისგან განსხვავებით , რომელიც მხოლოდ ბავშვებზეა გათვლილი , ანიმეს უამრავი ჟანრი აქვს , რომელიც სხვადასხვა ასაკზეა გათვლილი. სხვა არცერთ ქვეყანას არ გააჩნია ანიმესავით გამორჩეული ხატვის სტილი , რომელიც აგერ უკვე საუკუნეს ითვლის.  ზოგს მოსწონს ანიმაციის ეს სტილი , ზოგს პირიქით. აი მე საშუალო პოზიციაზე ვარ , არც მომწონს და არც მეზიზღება. არის ზოგი ანიმე რომელიც აუცილებლად უნდა ნახოთ.

პირველი ანიმე  ჩემთვის  რომელიც მაშინ არც ვიცოდი ანიმე თუ იყო , ალბათ თქვენც უყურებდით  90 – იან წლებში სერიალი  მფრინავი სახლი – 1982 / The Flying House , ცოტა უჩვეულო  ქრისტიანული ჟანრის ანიმე. ანიმაციის გმირები დროში მოგზაურობდნენ მფრინავი სახლით და ყოველთვის  სასურველ დროდ ირჩევდნენ ქრისტეს მოღვაწეობის პერიოდს , გმირები ჩაციკლულები იყვნენ ამ პერიოდზე , ხან უფროსის გარეშე გაიპარებოდნენ ,  ხან  პირიქით აქეთ ჩამოჰყავდათ რომელიმე ბიბლიური პერსონაჟი , შემდეგ როგორც მახსოვს შორიდან აკვირდებოდნენ იქ განვითარებულ მოვლენებს  და თუ საჭირო იყო  თავის კორექტივებსაც აკეთებდნენ.

კადრი ფილმიდან - The Flying House - 1982

საკამოდ კარგი ანიმაცია იყო , სახალისო გმირები. თუმცა ახლანდელი გადმოსახედიდან მართლა უჩვეულო იყო მსგავსი ჟანრის ანიმე.

შემდეგ იყო ფეხშიშველა გენი / Barefoot Gen – სამხედრო დრამა , ერთ-ერთი კლასიკური ანიმე, ძალიან მძიმე და სევდიანი ,  მორი მასაკის/Mori Masaki შემოქმედება.  ექვსი წლის გენის  ტრაგიკული ცხოვრება , ანიმეში აღწერილია რეალური მოვლენა – ჰიროშიმას ატომური დაბომბვა, რომელიც 6 აგვისტოს 1945 წელს მოხდა.

კადრი ფილმიდან - Barefoot Gen 1973

ანიმე ძალიან მძიმე საყურებელია , ამიტომ 16 წლამდე ასაკის ბავშვებისთვის ყურება არ არის რეკომენდირებული. ძალიან მძიმედ მახსოვს ახლაც ამ ფილმის ყურება , ვერ ვხვდები რატომ ვნახე ან ვინ მაყურებინა. ატომური ბომბის ჩამოგდების შედმეგ ადამიანების სიკვდილის სცენა ანიმაციაში  როგორი შემზარავი.

ამას მოჰყვა ლეგენდარული მფრინავი გემი მოჩვენება / Flying Phantom Ship – 1963  ფენზეტის ჟანრის ანიმე , რომელიც თითქმის ყველას ნანახი აქვს.

კადრი ფილმიდან - Flying Phantom Ship 1969

ფილმის შინაარსი საკმაოდ საინტერესო იმ პერიოდისთვის ,   ქალაქში სადაც ცხოვრობს პატარა Hayato თავს  დაესხნენ გიგანტური რობოტები. Hayato -ს  მშობლები დაიღუპნენ , გადარჩა მხოლოდ მისი ერთადერთ მეგობარი ძაღლი.  Hayato სურს როგორმე გაუმკლავდეს გიგანტ რობოტებს , ამისათვის ის დაუკავშირდება იდუმალ მფინავ გემის მფლობელს ბატონ Kuroshio – ს.  ანიმე რუსული ბაზრისთვის  რუსულ ენაზე ითარგმნა , გაიარა ცენზურა , ზოგი კადრი ამოიჭრა და იმ დროინდელ მთელ ყოფილ საბჭოთა ქვეყნებში იქნა ნაჩვენები.

ამით ანიმესთან ჩემი პირველი შეხება მორჩა , შესაძლებელია კიდევ იყო რომელიმე ანიმე , მაგალითად ახლაც ძალიან კარგად მახსოვს ანიმე  თაგვზე დიდი მრგვალი ყურებით , კიდევ რობოტებზე Gundam – ის ჟანრის კეთილი და ბოროტი რობოტები თუმცა დეტალურად  ახლა არ მახსენდება , აგრეთვე გრენდაიზერი თუმცა , ეს ცოტა გვიან მახსოვს რომ იყო , თან არც ვუყურებდი

იაპონიაში ტურისტული ვიზიტისთვის საუკეთესო პერიოდად ითვლება იაპონური ალუბლის საკურას ყვავილობის  სეზონი (ჰანამი - იაპ: ყვავილით ტკბობა) , სადაც მარტიდან დაწყებული დამთავრებული აპრილის ბოლომდე ქვეყნის სხვადასხვა ტერიტორიაზე ყვავილობას იწყებს ალუბლის ხეები , ეს დღე იაპონიაში უკვე დღესასწაულამდე არის აყვანილი. საკურას ყვავილობა დაახლოებით 7  დღემდე გრძელდება  , ამ ხნის განმავლობაში იაპონელები მის ძირში ატარებენ მთელ დღეს , სვამენ საკეს და ტკბებიან ულამაზესი და სურნელოვანი ალუბლის ყვავილობით.

სამწუხაროდ იაპონიის ჩრდილოეთ სანაპიროზე მომხდარი გამანადგურებელი მიწისძვრის და შემდეგ წარმოქმნილი ცუნამის გამო  დადგა საკითხი ჰანამის დღესასწაულის არ ჩატარებაზე.  ბევრი იაპონელი თვლიდა რომ საკურას ყვავილობის დღესასწაული წელს არ ჩატარებულიყო , რადგან ამით პატივს მიაგებდნენ დაღუპულთა ხსოვნას. თუმცა დღესასწაული მოკრძალებული ფორმით ქვეყნის სხვადასხვა პრეფექტურებში მაინც გაიმართა.

მიზეზი სავსებით გასაგებია , საკურას ყვავილობის დღესასწაული იაპონელებისთვის ახალი ცხოვრების დაწყების , ახალი ენერგიის , უარყოფითი მუხტისგან გაცლის , და რაც მთავარია გაზაფხულის შემოსვლასთან ასოცირდება . წლევანდელი საკურას ყვავილობით იაპონელებმა პატივი მიაგეს 11 მარტს დაღუპულთა სულებს. დეტალურად ჰანამის ჩატარება არ ჩატარებაზე სტატია.

წარმოგიდგენთ წლევანდელი საკურას ყვავილობის ამსახველ ფოტოებს იაპონიის სხვადასხვა ქალაქებში

31 მარტი , Maizuru Park

1 აპრილი , Kagoshima , Yoshino Park

1 აპრილი , Yoshino Park

2 აპრილი , ტოკიო , Shinjuku Gyoen

2 აპრილი , Shinjuku Gyoen

2 აპრილი , ტოკიო , Shinjuku Gyoen

2 აპრილი , ტოკიო , Sumida Park

2 აპრილი , Sumida Park

2 აპრილი , Ueno Park - People enjoying

3 აპრილი , Nishi Park

3 აპრილი , Nishi Park

სხვა დანარჩენი საინტერესო ფოტო მასალა სატზე : japan-guide.com

Filed under: საზოგადოება Tagged: "ჰანამი", 11.03.11, ალუბალი, იაპონია, საკურა, ტურისტი, ყვავილობა ]]> http://iaponia.wordpress.com/2011/04/16/%e1%83%a1%e1%83%90%e1%83%99%e1%83%a3%e1%83%a0%e1%83%90%e1%83%a1-%e1%83%a7%e1%83%95%e1%83%90%e1%83%95%e1%83%98%e1%83%9a%e1%83%9d%e1%83%91%e1%83%90-2011/feed/ 7 Andy cherry-blossom 27 მარტი , იაპონიაში ცუდი ამინდების გამო ცოტა დაგვიანდა ალუბლის ყვავილობა http://iaponia.wordpress.com/2011/03/26/%e1%83%90%e1%83%a0%e1%83%90-%e1%83%a8%e1%83%98%e1%83%a8%e1%83%a1/ http://iaponia.wordpress.com/2011/03/26/%e1%83%90%e1%83%a0%e1%83%90-%e1%83%a8%e1%83%98%e1%83%a8%e1%83%a1/#comments Sat, 26 Mar 2011 08:15:54 +0000 Andy http://iaponia.wordpress.com/?p=1112 Continue reading →]]>

საინტერესო და უცნაური ხალხია ისევ და ისევ იაპონელები , ვუყურებ ამ საშინელ კადრებს , ამ ტრაგედიას და თითოეულ იაპონელს სახეზე არ ემჩნევა შიში და სასოწარკვეთა. გასაგებია , მესმის რომ ეს მიწისძვრები , ცუნამი და ვულკანის ამოფრქვევა უცხო რამ არ არის მათთვის თითქმის ყოველდღიური მოვლენაა, მაგრამ მაკვირვებს ამ ტრაგედიის შემდეგაც მათი სიმტკიცე და  გამძლეობა.

მიწისძვრას და ცუნამს კიდევ ერთი კატასტროფა რადიაციის გავრცელებაც დაემატა. საამაყოა მათი თავდადება ქვეყნისთვისაც , როდესაც ფუკუსიმასს ატომური რადიოსადგურის მწყობრიდან გამოსვლის გამო ასობით იაპონელი იბრძვოდა რამენაირად  ხელი შეეშალათ რადიაციის გავრცელებას იაპონიის ტერიტორიაზე.

ქვეყნის და ხალხის დასახმარებლად მთელი მსოფლიო გაერთიანდა , საქართველოც არ ჩამორჩა ამ ქველმოქმედებას ცალკე ჰუმანიტარული დახმრაება და ცალე მილიონი დოლარი გადარიცხა ქვეყნის დასახმარებლად.

ამჯერად ქვეყანა ნორმალურ ცხოვრების რიტმს უბრუნდება.  თუმცა ქვეყანაში კვლავ ფიქსირდება სეისმური ბიძგები და კვლავ არის რადიაციის გავრცელების საფრთხე.

წარმოგიდგენთ Flickr – იდან  ფოტოებს მიწისძვრის შემდეგ იაპონიას.

ამ რამდენიმე დღის წინ ჟურნალმა “ლბერალმა” გაავრცელა ვიდეო სადაც ჟურნალისტი თბილისის ქუჩებში სხვადასხვა ასაკის, სქესისა და შეხედულებების მოქალაქეებს ასმენინებს დეკანოზ დავით ქვლივიძის ქადაგებას , სადაც დეკანოზი იაპონიაში მომხდარ მიწისძვრას იაპონელების გარყვნილ ცხოვრებას და ცოდვების გამო ღვთის სასჯელს უკავშრებს.

ვიდეო ერთობ დამაფიქრებელია , გამოკითხულთა უმრავლესობა ემხრობა დეკანოზის ქადაგებას.   მებადება ეჭვი , რომ მოსახლეობა ვერ საზღვრავს რა არის ბუნებრვი მოვლენა და რა არის რელიგია.  ან ზუსტად არ იცნობენ ამ ქვეყანას , რომელიც ოდითგანვე “განებივრებული” იყო  ღმერთის რისხვით , ქვეყანა რომელიც 4 კუნძულის სახით არის წარმოდგენილი მთლიანად  სეისმურ ზონაშია განლაგებული , მსოფლიოში მიწისძვრების  მაღალი სიხშირით გამორჩეული იაპონია , ისჯება იმიტომ , რომ ხალხი არის გარყვნილი და ცოდვების გამო ღმერთი სჯით ?

იაპონელების გარყვნილებაზე ლაპარაკი მემგონი უფრო დიდი ცოდვაა ,  რა თქმა უნდა 40 მილიონიან ქვეყანაში ვიღაცა შეურაცხადი იქნება , მაგრამ მთლიანად ერის გარყვინლობაზე ლაპარაკი ღიმილის მომგვრელია. უდიდესი პროცენტი იაპონელების არის მოკრძალებული , ტრადიციების დამცველი და თავაზიანი ერი. ადრეც დავწერე იაპონელების ამ ქცევაზე ამიტომ განმეორება , რომ არ გამომივიდეს აქვე დავდებ ბმულს : იაპონელები როგორც თავაზიანი ერი

ახლა რაც შეეხება მიწისძვრას და იმ ტრაგედიას რაც 11 მარტს მოხდა. მე ეჭვიც არ მეპარება , რომ იაპონია ისევე დადგება მყარად ფეხზე და ისევ მოწინავე პოზიციას დაიკავებს მსოფლიო ქვეყნებს შორის როგორც აქამდე იყო. ქვეყანას სამწუხაროდ არაერთი უდიდესი ტრაგედა აქვს გადატანილი წარსულში , კუნძლოვან ქვეყანას ზედიზედ 2 ატომური ბომბის სამწუხარო შედეგი აქვს გამოვლილი , რამოდენიმე წლის განმავლობაში სხვა ქვეყნის კოლონიად ყოფნაც არ იყო უცხო. მიწისძვრებზე და მსგავს ბუნებრივ მოვლენებზე რომ აღარაფერი ვთქვათ. იაპონიას 22 საუკუნის ქვეყნად მოიხსენიებენ და ეს ყველაფერი იაპონელი ხალხის თავდაუზოგავი შრომის შედეგად. შეგახსენებთ , რომ ქვეყანა არ არის მდიდარი სასარგებლო წიაღისეულით თუ ბუნებრივი სიმდიდრით … ამ ტრაგედიასაც მედგრად გადაიტანს იაპონელი ხალხი , თავიანთი მტკიცე ბუნებით , დაუღალავი შრომით და იაპონია ისევ გაბრწყინდება.

ჩვენ კი ძალიან კარგი იქნება თუ მივბაძავთ იაპონელ ხალხს ყველა ამ საკითხში და გულუბრყვილოდ და უგონოდ ნუ დავეთანხმებით ყველანაირ რელიგიურ ქადაგებას.